ABŞ Prezidenti Donald Tramp bildirib ki, Ermənistanın ərazi bütövlüyünə tam riayət etməklə Azərbaycana Naxçıvana çıxış imkanı verəcək xüsusi tranzit zonası barədə razılıq əldə olunub.
“Beləliklə, onlar birlikdə yaşayıb işləyə biləcəklər. Bu, hər iki ölkə üçün çox vacib sahədir,” — Tramp Azərbaycan Prezidenti İlham Əliyev və Ermənistan Baş naziri Nikol Paşinyanla sammitdə deyib.
Trampın sözlərinə görə, Ermənistan bu dəhlizi inkişaf etdirmək üçün ABŞ ilə 99 illik eksklüziv tərəfdaşlıq yaradacaq, müddət daha 99 il uzadıla biləcək.
O əlavə edib ki, Amerika şirkətlərinin regiona əhəmiyyətli investisiya qoyması gözlənilir ki, bu da hər üç ölkəyə iqtisadi fayda gətirəcək. ABŞ-ın bu ölkələrlə ticarət, iqtisadiyyat, texnologiya və süni intellekt sahələrində müqavilələr imzaladığı bildirilib.
Gülnar
Foto 
Video 
