Putin Tramp görüşündə istədiyini aldı -Zelenski

Rusiya lideri Vladimir Putin Alyaskada ABŞ prezidenti Donald Trampla keçirilən sammitdə arzuladığını əldə edib. Bu barədə Ukrayna prezidenti Volodimir Zelenski bildirib.

“Məncə, prezident Tramp Putinə istədiyini verdi. O, ABŞ prezidenti ilə görüşmək istəyirdi və buna nail oldu. Bu, çox təəssüf doğurur”, - ABC News-un beynəlxalq müxbiri Marta Raddatsla müsahibəsində Zelenski deyib.

Zelenski Putinin onunla görüşməkdən imtina etdiyini, amma ABŞ lideri ilə şəkil və video nümayiş etdirmək istədiyini vurğulayıb.

O qeyd edib ki, Putin yalnız Moskvada görüş təklif edib, lakin bu mümkün deyi.

 “O, Kiyevə gələ bilər. Mən Moskvaya gedə bilmərəm, ölkəm hər gün raket zərbələrinə məruz qalarkən", -  Zelenski bildirib. 

Müsahibə Rusiyanın Mukaçevodakı ABŞ-a məxsus Flextronics zavoduna zərbə endirməsi fonunda qeydə alınıb.

Zelenski əlavə edib ki, müharibənin dayandırılması üçün ABŞ və Avropa tərəfdaşlarının Rusiyaya daha çox təzyiq göstərməsi vacibdir.

N.Təbrizli