Yaxın günlərdə "Zindan qalası"nda təmir işləri başlanılacaq

Lənkəranda yerləşən “Dairəvi qala” ( “Zindan qalası”) abidəsində yaxın günlərdə təmir-bərpa işlərinə başlanılacaq. Bu barədə Lənkəran Şəhər İcra Hakimiyyətinin başçısı Taleh Qaraşov anews.az-a açıqlamasında bildirib.

"Oktyabrın 24-də "Dairəvi qala" ilə bağlı keçirilən tender yekunlaşır. Təmiri Mədəniyyət Nazirliyi həyata keçirəcək. Təxminən qalada 3-5 ay ərzində təmir işləri yekunlaşacaq", - icra başçısı bildirib.

"Dairəvi qala” "Zindan qalası” kimi də tanınır. Bu abidə XVIII əsrdə tikilmiş Lənkəran qalasının bir hissəsidir. "Zindan qala” 1869-1959-cu illərdə həbsxana kimi istifadə olunub. Burada 1903-1904-cü illərdə poçt qatarını qarət etdiyinə görə həbs olunan İosif Stalin də cəza çəkib.

Gülnar Nazimqızı