Türkiyədə 61 təyyarə reysi ləğv olunub

“Türk Hava Yolları” (THY) Türkiyənin şərq və mərkəzi hissələrində gözlənilən əlverişsiz hava şəraiti ilə əlaqədar 31 dekabr tarixinə planlaşdırılan 61 reysini ləğv edib.Bu barədə aviaşirkətin sosial media hesablarında rəsmi məlumat paylaşılıb.

Bildirilib ki, uçuşların təhlükəsizliyini təmin etmək məqsədilə bəzi istiqamətlər üzrə səfərlər ləğv olunub.Reysləri ləğv olunan sərnişinlər biletlərini başqa tarixə dəyişmək və ya geri qaytarmaq hüququndan istifadə edə bilərlər.