Tehran nüvə proqramı ilə bağlı danışıqlar masasına qayıtmağa hazırdır - İran XİN

Tehran nüvə proqramı ilə bağlı danışıqlar masasına qayıtmağa hazırdır, lakin bu, Vaşinqton tərəfindən təzyiq və diktə olmadan baş verməlidir.Bunu İranın xarici işlər naziri Abbas Əraqçi “Əl-Cəzirə” telekanalına müsahibəsində deyib.

“Biz nüvə dosyesi üzrə danışıqlar masasına əyləşməyə hazırıq, bir şərtlə ki, bu, təhdidlər və ya diktə olmadan həyata keçirilsin”, - nazir bildirib.

O, həmçinin Vaşinqtonun dürüst və ədalətli danışıqlara hazır olması barədə şübhələrini dilə gətirib, lakin əlavə edib ki, ABŞ hazır olduqda İran bu təklifi ciddi nəzərdən keçirəcək.