Oktay Kaynarca narkotik şübhəsi ilə saxlanılıb/Yenilənib

İstanbulda narkotik istintaqı çərçivəsində saxlanılan Oktay Kaynarca və Emel Müftüoğlu məhkəmə nəzarəti olaraq ev dustaqlığına buraxılıb.

12:42

İstanbul Baş Prokurorluğu məşhurlara qarşı başladılan narkotik  üzrə əməliyyatlarını genişləndirərək altı şəxsi daha saxlayıb. Aralarında aktyor Oktay Kaynarca və müğənni Emel Müftüoğlu da var.

Prokurorluğun açıqlamasına görə, saxlanılanlar “narkotik  maddələrin istifadəsi üçün saxlamaq”, “narkotik istifadəsini asanlaşdırmaq” və “qumar oynanması üçün imkan yaratmaq” ittihamları ilə bağlı istintaqa cəlb olunublar. Yeni əməliyyatla birlikdə əvvəlki mərhələdə 27 nəfər saxlanılmışdı.

İstanbul məhkəməsi 19 şübhəliyə  saxlama qərarı verib. Bunlar arasında Bebek Hotel sahibi Muzaffer Yıldırım, menecer Arif Altınbulak, sosial media fenomeni Burak Altındağ və Ciciş qardaşlarından Ceyda Ersoy var. Dörd nəfər isə sərbəst buraxılıb, üç nəfər ev həbsinə göndərilmək üçün prokurorluğa təqdim olunub.

İstanbul Baş Prokurorluğu ölkədə məşhurların narkotik istifadəsi bağlı əməliyyatların davam edəcəyini bildirib.

Aytac