Britaniya Qətər aviabazasından qoşunlarını təxliyə edir

Böyük Britaniya Yaxın Şərqdəki gərginlik fonunda Qətərdəki "Əl-Udeyd" aviabazasından bəzi hərbi qulluqçularını təxliyə edir.Bu barədə "i" qəzeti mənbələrə istinadən məlumat yayıb.

Bildirilir ki, britaniyalı hərbi heyət sözügedən aviabazada ABŞ Silahlı Qüvvələrinin hərbçiləri ilə birgə yerləşdirilib.

“Reuters” agentliyinin bundan əvvəl yaydığı məlumata əsasən, ABŞ Qətərdəki “Əl-Udeyd” aviabazasında xidmət edən öz hərbçilərinə bu gün axşam saatlarınadək bazanı tərk etməyi tövsiyə edib. Qətər KİV-i dərc olunmuş bu məlumatı təsdiqləyib.