Çində əhali dördünücü ildir ki, azalmağa davam edir

Çində əhali ardıcıl dördüncü ildir azalır və 2025-ci ildə ölkə tarixində ən aşağı doğum nisbəti qeydə alınıb. 

Çinin Milli Statistika Bürosunun açıqlamasına görə, 2025-ci ildə doğum nisbəti hər 1000 nəfərə 5,63 təşkil edib. Bu göstərici 2023-cü ildəki 6,39 promildən kəskin aşağıdır və azalma trendinin dayandırıla bilmədiyini göstərir.

Pekin hökuməti vəziyyəti çevirmək üçün nağd ödənişlər, nikah qeydiyyatının sadələşdirilməsi, pulsuz məktəbəqədər təhsil, vergi güzəştləri, mənzil alışı və kirayəsi üçün subsidiyalar, həmçinin uzadılmış analıq məzuniyyəti kimi tədbirləri işə salsa da, bu addımlar nəticə verməyib. Demoqrafik geriləmə davam edir.

CNN-in məlumatına görə, 2025-ci ildə 60 yaşdan yuxarı əhalinin sayı 323 milyona çatacaq, bu da ümumi əhalinin 23 faizi deməkdir.

BMT proqnozları isə daha sərtdir: 2100-cü ilə qədər Çin əhalisinin yarısının 60 yaşdan yuxarı ola biləcəyi gözlənilir. 

 Çin 2025-ci ildə 5 faiz artımla rəsmi hədəfə çatsa da, IV rübdə artım 4,5 faizə qədər yavaşlayıb – bu, COVID-19-dan sonrakı dövrdə ən zəif rüblük göstəricidir. Artım əsasən ixracın hesabına təmin edilib, daxili istehlak zəif qalıb. Buna baxmayaraq, ölkə rekord 1,2 trilyon dollarlıq ticarət profisiti əldə edib.

Gülnar