Lavrov: Ermənistanın “hibrid təhdid” ittihamları Moskvada çaşqınlıq yaradıb

Ermənistan hakimiyyətinin Rusiyaya qarşı “hibrid təhdidlər” iddiaları Moskvada çaşqınlıq doğurur. Bunu Rusiya xarici işlər naziri Sergey Lavrov bildirib.

Lavrov jurnalistlərə açıqlamasında deyib ki, Ermənistanın Kilsə ilə bağlı hərəkətləri “hibrid təhdid” kimi təqdim etməsi Rusiya üçün anlaşılmazdır. Nazir həmçinin qeyd edib ki, Ermənistanın Baş naziri və Parlament sədri son dönəmlərdə Rusiyanın da bu təhdidlərdə rolunu inkar etməyib.

“Bəyanatlar bizi çaşdırır. Avropa İttifaqı ilə yaxınlaşma nəticəsiz ötüşmür və Aİ daim ‘Rusiyadan gələn hibrid təhdidlərdə’ israr edir. Bu yaxınlarda 15 milyon avroluq tranş ayrılıb və Brüssel bürokratiyası erməni tərəfdaşlarımızı hər qəpiyi effektiv istifadə etməyə məcbur edəcək”, —  Lavrov bildirib.

O həmçinin Gümrünün həbs olunmuş meri Vardan Qukasyana qarşı irəli sürülən ittihamların, Rusiya ilə birləşməyi dəstəkləyən açıqlamalarla bağlı olmasını qeyd edib və bu cinayət işinin Ermənistanın suverenliyinə heç bir şəkildə xələl gətirmədiyini vurğulayıb.

Aytac