Mingəçevirdə bayram tonqalı yanğına səbəb oldu

Mingəçevir şəhərində bayram tonqalı yanğına səbəb olub.

“Qafqazinfo”nun məlumatına görə, yanğın hadisəsi şəhərin Heydər Əliyev prospekti ərazisində, keçmiş məcburi köçkünlərin yaşadığı şəhərciyinin yaxınlığında baş verib.

İlkin məlumata görə, tonqalın nəzarətsiz qalması nəticəsində alov ətrafa yayılıb və yanğın qısa müddətdə geniş ərazini əhatə edib.

Hadisə yerinə dərhal Fövqəladə Hallar Nazirliyinin yanğınsöndürmə briqadaları cəlb olunub. Yanğının qarşısının alınması və tam söndürülməsi istiqamətində tədbirlər görülür.