Allahşükür Paşazadə Türkiyədə şagirdlərin ölümü ilə bağlı başsağlığı verib

Qafqaz Müsəlmanları İdarəsinin sədri Allahşükür Paşazadə Türkiyədə məktəblərdə baş verən silahlı hücumlarla bağlı başsağlığı verib.

Qafqaz Müsəlmanları İdarəsi-nin yaydığı məlumata görə, Paşazadə Türkiyə Diyanət İşləri Başkanı Safi Arpaquş-a ünvanladığı məktubda Şanlıurfa və Kahramanmaraşda müəllim və şagirdlərə qarşı törədilmiş qətl hadisələrinə diqqət çəkib.

O bildirib ki, hadisələr Azərbaycan xalqında dərin kədər doğurub və bu kimi halların bir daha təkrarlanmamasına ümid etdiyini ifadə edib. Paşazadə həlak olanların ailələrinə və Türkiyə xalqına başsağlığı verib, yaralananlara şəfa diləyib.

Rəsmi məlumatlara görə, aprelin 14-də Şanlıurfanın Siverek rayonunda liseyə silahlı hücum nəticəsində 1 nəfər ölüb, 16 nəfər yaralanıb. Aprelin 15-də isə Kahramanmaraşda məktəbdə baş verən hücum zamanı 9 nəfər ölüb, 13 nəfər yaralanıb.