SEPAH ABŞ-nin Hörmüz boğazı ilə bağlı açıqlamalarını təkzib edib

SEPAH ABŞ-nin Hörmüz boğazından ticarət gəmilərinin keçməsi ilə bağlı məlumatlarını təkzib edib.Bu barədə İranın İslam İnqilabı Keşikçiləri Korpusu (SEPAH) bəyanat yayıb.

Bəyanatda bildirilir ki, son saatlarda Hörmüz boğazından heç bir tanker və ya ticarət gəmisi keçməyib.

SEPAH ABŞ Mərkəzi Komandanlığının (CENTCOM) iki Amerika gəmisinin boğazdan keçməsi ilə bağlı açıqlamalarını “əsassız və yalan” adlandırıb. ABŞ isə iki gəminin boğazdan keçdiyini bildirib.

Qurum xəbərdarlıq edib ki, müəyyən edilmiş qaydaları pozan istənilən gəmi ciddi risklə üzləşəcək və saxlanılacaq.