Latviyanın müdafiə naziri istefa verib

Latviyanın müdafiə naziri Andris Spruds pilotsuz uçuş aparatları ilə bağlı insidentdən sonra istefa verib.Bu barədə xarici KİV xəbər verir.

Spruds qərarını Latviya ordusunun siyasi müzakirələrə cəlb olunmaması ilə əsaslandırıb.

“Mən Latviya ordusunu siyasi kampaniyaya cəlb olunmaqdan qorumaq üçün istefa vermək qərarına gəldim”, - o bildirib.

Mayın 7-də Latviyanın şərqində yerləşən Rezekne bölgəsində Rusiyadan daxil olduğu bildirilən iki pilotsuz uçuş aparatı neft anbarları yaxınlığına düşüb.