Türkiyənin Nepalda eniş edən sərnişin təyyarəsində yanğın olub

Türkiyənin Türk Hava Yolları şirkətinə məxsus İstanbul–Katmandu reysini həyata keçirən sərnişin təyyarəsi Nepalın Tribhuvan Beynəlxalq Hava Limanına eniş etdikdən sonra texniki nasazlıq səbəbindən yanğın təhlükəsi ilə üzləşib.Bu barədə Türkiyə mediası xəbər verir.

Hadisə nəticəsində təyyarədə olan 277 sərnişin və 11 ekipaj üzvü təxliyə edilib, xəsarət alan olmayıb.

Nepalın Mülki Aviasiya İdarəsinin məlumatına əsasən, təyyarənin sağ eniş qurğusundan tüstü və qığılcımlar müşahidə olunub, daha sonra isə kiçik yanğın baş verib. Yanğın qısa müddətdə söndürülüb.

Aviaşirkətin açıqlamasında bildirilib ki, ilkin araşdırmalara görə, insidentə hidravlik boruda yaranmış texniki nasazlıq səbəb olub.