Gürcüstanın yeni Patriarxı seçilib

Gürcüstan Pravoslav Kilsəsinin genişləndirilmiş şura iclasında Mitropolit Şio (Elizbar Muciri) bütün Gürcüstanın yeni – 142-ci Katolikos-Patriarxı seçilib.Bu barədə xarici media xəbər verir.

Məlumata görə, səsvermədə Müqəddəs Sinodun 39 üzvü iştirak edib. Mitropolit Şio 22 səs toplayıb. 

57 yaşlı Şio monastır andı qəbul etməzdən əvvəl Tbilisi Konservatoriyasında təhsil alıb. O, 1999-cu ildə Batumi İlahiyyat Seminariyasını bitirib, daha sonra Moskva İlahiyyat Akademiyasında və Müqəddəs Tixon Pravoslav Humanitar Universitetində ilahiyyat üzrə təhsilini davam etdirib. 2003-cü ildə yepiskop seçilən Şio 2010-cu ildə mitropolit rütbəsinə yüksəldilib.

Bütün Gürcüstanın Katolikos-Patriarxı II İliya martın 17-də 93 yaşında vəfat edib. Bundan sonra Gürcüstan Pravoslav Kilsəsində yeni patriarxın seçilməsi prosesi başlanmışdı.