KİV: İran ABŞ-la danışıqların bərpası üçün beş şərt irəli sürüb

İran hakimiyyəti ABŞ-la danışıqların bərpası üçün Vaşinqton qarşısında beş əsas şərt irəli sürüb.Bu barədə “Fars” agentliyinin mənbəyə istinadən məlumat yayıb.

Şərtlərə Livan başda olmaqla bütün cəbhələrdə hərbi əməliyyatların dayandırılması, İrana qarşı tətbiq edilən sanksiyaların ləğvi, dondurulmuş İran aktivlərinin azad edilməsi, müharibənin vurduğu ziyana görə təzminat ödənilməsi və İranın Hörmüz boğazı üzərində suverenlik hüququnun tanınması daxildir. 

Mənbə bildirib ki, Tehran bu tələbləri minimum etimad mühitinin formalaşdırılması və danışıqlar prosesinə qayıdış üçün zəruri hesab edir.

Məlumata görə, İran həmçinin Pakistan vasitəçilərinə bildirib ki, Ərəb dənizi və Oman körfəzi istiqamətində dəniz blokadasının davam etməsi ABŞ-la mümkün danışıqlara inamsızlığı daha da gücləndirir.