Zelenski və Makron HHM sahəsində əməkdaşlığı müzakirə edib

Ukrayna Prezidenti Volodimir Zelenski Fransa Prezidenti Emmanuel Macron ilə hava hücumundan müdafiə sahəsində əməkdaşlıq və Ukraynanın müdafiə imkanlarının gücləndirilməsini müzakirə edib.

Bu barədə Zelenski teleqram kanalında paylaşım edib. O bildirib ki, Fransa raket hücumundan müdafiə sahəsində əməkdaşlığa hazırdır.

“Biz həmçinin Rusiyanın hücumlarının dəf edilməsi üzrə imkanlarımızın gücləndirilməsini müzakirə etdik. Hava Hücumundan Müdafiə sistemimizin gücləndirilməsinə göstərdiyiniz hazırlığa görə təşəkkür edirəm”, – Zelenski qeyd edib.

Ukrayna liderinin sözlərinə görə, tərəflər həmçinin Ukraynanın Avropa İttifaqına inteqrasiyası və yaxın vaxtlarda danışıqlar üzrə bütün klasterlərin açılması məsələlərini də müzakirə ediblər.