ABŞ-da qırıcı təyyarələr havada toqquşub - Video

ABŞ-ın Aydaho ştatındakı Mountain Home hərbi bazasında keçirilən “Gunfighter Skies” aviaşousu zamanı iki EA-18G tipli hərbi təyyarə havada toqquşub.Bu barədə “The Idaho Statesman” məlumat yayıb.

Məlumata görə, F/A-18F qırıcı-bombardmançısının modifikasiyası olan iki EA-18G Growler təyyarəsi bazanın yaxınlığında havada toqquşub. Hadisə şahidlərinin sözlərinə görə, ekipaj üzvləri katapult edə bilib. 

Bazanın nümayəndəsi “Reuters” agentliyinə bildirib ki, qəza yerinə xilasedicilər göndərilib və hadisənin səbəbləri araşdırılır.

Təyyarə heyətinin vəziyyəti ilə bağlı hələlik rəsmi məlumat açıqlanmayıb.