İsrail Livandakı "Hizbullah" hədəflərinə hərbi təzyiqi artıracaq

İsrail Livandakı “Hizbullah” hədəflərinə hərbi təzyiqi artıracağını bildirib.Bu barədə İsrailin Baş naziri Binyamin Netanyahu “Telegram” kanalında yayımlanan videomüraciətində deyib.

Netanyahu qeyd edib ki, İsrail “Hizbullah”la müharibə vəziyyətindədir və son həftələrdə İsrail qüvvələrinin 600-dən çox silahlını məhv etdiyini iddia edib.

Baş nazir əlavə edib ki, İsrail “Hizbullah” mövqelərinə zərbələri davam etdirəcək. O həmçinin İsrail ərazisinə dron hücumları ilə bağlı yaranmış vəziyyətin xüsusi qrup tərəfindən izlənildiyini bildirib.