Honkonqlu astronavt ilk dəfə Çin kosmik missiyası ilə orbitə göndərilib

Li Jiaying Shenzhou-23 ilə kosmosa gedən ilk Honkonq sakini olub.

Keçmiş polis əməkdaşı və üç uşaq anası olan 43 yaşlı Li Jiaying Çinin üç nəfərlik heyətində elmi yük üzrə mütəxəssis kimi yer alır.

“Shenzhou-23” kosmik gəmisi bazar günü gecəsi Tiangong kosmik stansiyasına yola düşüb.

Missiya çərçivəsində heyət üzvlərindən birinin orbitdə bir il qalaraq əsas elmi təcrübələrdə iştirak edəcəyi bildirilir. Çin hakimiyyəti həmin astronavtın kim olacağını daha sonra müəyyən edəcək.

“Shenzhou-23” missiyası Çinin kosmik proqramının növbəti mərhələsi hesab olunur. Pekin 2030-cu ilə qədər Aya insan göndərməyi planlaşdırır və bu sahədə ABŞ ilə rəqabət aparır. ABŞ astronavtları 2028-ci ildə Aya qaytarmağı hədəfləyir.

Missiyanın əsas məqsədlərindən biri mikroqravitasiyanın insan orqanizminə təsirini araşdırmaqdır.

Heyətdə Li Jiayinglə yanaşı, 39 yaşlı aerokosmik mühəndis Zhu Yangzhu və keçmiş hərbi pilot Zhang Zhiyuan da yer alır.

Aytac