Rusiya səfiri Almaniya XİN-ə çağırılıb

Almaniya Xarici İşlər Nazirliyi Rusiyanın Berlindəki səfiri Sergey Neçayevi nazirliyə çağırıb.

Almaniya XİN-in “X” sosial şəbəkəsində yaydığı məlumata görə, Berlin Ukraynaya dəstəyini davam etdirəcəyini bildirib və Moskvanın təhdidlərinin Almaniyanın mövqeyini dəyişməyəcəyini vurğulayıb.

Bu addım Rusiyanın xarici ölkələri diplomatlarını Kiyevdən təxliyə etməyə çağırmasından sonra atılıb.

“Almaniyanı hədə-qorxu ilə qorxutmaq mümkün olmayacaq. Ukraynanı qətiyyətlə dəstəkləməyə davam edəcəyik”, - Almaniya XİN-in bəyanatında deyilir.