SEPAH: Son gündə Hörmüz boğazından 23 gəmi keçib

İranın İslam İnqilabı Keşikçiləri Korpusunun Hərbi Dəniz Qüvvələri son 24 saat ərzində Hörmüz boğazından 23 gəminin keçidinin təmin edildiyini açıqlayıb.

“Tasnim” agentliyinin məlumatına görə, neft tankerləri, konteyner daşıyıcıları və digər ticarət gəmiləri SEPAH HDQ-nin koordinasiyası və təhlükəsizlik müşayiəti ilə boğazdan keçib.

Məlumatda bildirilib ki, Fars körfəzi region ölkələrinin “müsəlmanlara məxsus su məkanı” olduğu qeyd edilib və bölgədə qeyri-sabitliyə görə ABŞ ordusunun fəaliyyəti ittiham olunub. SEPAH Hörmüz boğazına nəzarətin “qətiyyətlə” davam etdirildiyini vurğulayıb.

SEPAH mayın 26-da da son bir gündə Hörmüz boğazından 25 gəminin keçdiyini açıqlamışdı.