Tramp seçkilərdə Paşinyanı dəstəklədiyini bildirib

ABŞ Prezidenti Donald Tramp Ermənistanın Baş naziri Nikol Paşinyanı iyunun 7-də keçiriləcək parlament seçkilərində dəstəklədiyini bəyan edib.

Tramp bu barədə “Truth Social” platformasında paylaşım edib.

“Mən Nikolun 7 iyun 2026-cı il tarixində yenidən seçilməsini tam dəstəkləyirəm”, – o yazıb.

Tramp bildirib ki, ABŞ dövlət katibi Marko Rubio bu yaxınlarda “iki ölkə üçün mühüm əhəmiyyət daşıyan bir sıra razılaşmaların irəli aparılması” məqsədilə Ermənistana səfər edib.

ABŞ Prezidenti əlavə edib ki, Vaşinqton və İrəvan yaxın vaxtlarda Cənubi Qafqazı dəyişdirəcək “Tramp Marşrutu” (TRIPP) layihəsinin icrasına başlayacaq. Onun sözlərinə görə, layihə ABŞ enerji şirkətlərinin region resurslarına çıxışını təmin edəcək.