Ermənistanda səsvermə zamanı 57 qanun pozuntusu siqnalı daxil olub, 14 nəfər saxlanılıb

Ermənistanda keçirilən səsvermə zamanı saat 17:00-a olan məlumata görə, Daxili İşlər Nazirliyinə 57 qanun pozuntusu ilə bağlı müraciət daxil olub.

Yerli medianın məlumatına görə, şikayətlərdən 19-u təkrar səsvermə cəhdi, 15-i səsvermənin məxfiliyinin pozulması, 2-si isə seçki hüququnun həyata keçirilməsinə maneə halları ilə bağlıdır.

Bundan başqa, bir rüşvətvermə və bir silah gəzdirmə faktı qeydə alınıb.

Araşdırmalar çərçivəsində 14 nəfər saxlanılıb, hadisələrlə bağlı yoxlamalar davam etdirilir.