İran ölkənin qərb hissəsində hava məkanını bağlayıb

İran hakimiyyəti təhlükəsizlik səbəbləri ilə ölkənin qərb hissəsində hava məkanını növbəti xəbərdarlığa qədər bağlamaq qərarına gəlib.Bu barədə İranın Mülki Aviasiya Təşkilatının nümayəndəsi Məcid Əhvan məlumat verib.

Onun sözlərinə görə, təhlükəsizlik vəziyyətinin qiymətləndirilməsi və müvafiq NOTAM-ın (uçuş əməliyyatları ilə bağlı bildiriş) yayımlanmasından sonra qərb bölgəsi üzərində hava məkanının bağlanması barədə qərar qəbul edilib.

Əhvan vətəndaşları zərurət olmadan hava limanlarına getməməyə çağırıb və uçuşlarla bağlı yenilənmiş məlumatları rəsmi media vasitəsilə izləməyi tövsiyə edib.