Uşaqara qadağa qoyarkən alternativlər təklif etməliyik - Tibb Universitetinin rektoru

Hər bir qadağa müəyyən reaksiyalara səbəb ola bilər və qanunvericilik təşəbbüsləri hazırlanarkən bu amil nəzərə alınmalıdır. Bunu Tibb Universitetinin rektoru Gəray Gəraybəyli Milli Məclisdə yaş məhdudiyyəti tətbiq edilən sosial şəbəkə platformaları ilə bağlı qanun layihəsinin müzakirəsi zamanı çıxışında danışıb.

"Hər bir qadağa bir reaksiya yaradacaq. Bunu düşünməliyik. Qadağa etdiyimiz halda alternativ təkliflərimiz də olmalıdır", – rektor deyib.

Gəraybəyli qeyd edib ki, uşaqların sosial şəbəkələrdən istifadəsinə məhdudiyyət qoyulacağı təqdirdə, onlara hansı alternativ imkanların təqdim ediləcəyi və mümkün psixoloji və sosial təsirlərin necə idarə olunacağı məsələləri də müzakirə edilməlidir.

"Uşağa deyirik ki, sabahdan heç bir sosial şəbəkəyə girməyəcəksən. Bunun yaradacağı reaksiyanı və mümkün fəsadları necə qarşılayacağımızı da düşünməliyik", – o əlavə edib.

Gülnar Nazimqızı