İran hava məkanını açıb - Yenilənib

İranda hava məkanında uçuşlara tətbiq edilən bütün məhdudiyyətlər aradan qaldırılıb.Bu barədə İranın Mülki Aviasiya Təşkilatı məlumat yayıb.

Qurumun bəyanatında bildirilib ki, təhlükəsizlik şəraitinin təmin olunması və aidiyyəti qurumlarla zəruri koordinasiyanın başa çatdırılmasından sonra məhdudiyyətlər ləğv edilib, ölkənin aviasiya fəaliyyəti mərhələli şəkildə normal iş rejiminə qaytarılır.

***

İran hökuməti ölkənin hava məkanını bağladığını və bütün daxili reyslərin ləğv edildiyini açıqlayıb.Bu barədə "Al-Jazeera" "Mehr" informasiya agentliyinə istinadən məlumat yayıb. 

Bildirikib ki, məhdudiyyətlər növbəti göstərişədək qüvvədə qalacaq.

Qərar İran və İsrail arasında son hərbi gərginliyin fonunda qəbul edilib. İran iyunun 8-nə keçən gecə İsrailə raket zərbələri endirib. Tehran hücumları İsrail ordusunun Livanda "Hizbullah"a qarşı davam edən əməliyyatlarına cavab kimi qiymətləndirib.

Buna cavab olaraq İsrail ordusu İranın mərkəzi və qərb bölgələrində yerləşən hərbi obyektlərə zərbələr endirdiyini bildirib.

ABŞ Prezidenti Donald Trump "Truth Social" platformasında tərəfləri qarşılıqlı hücumları dərhal dayandırmağa çağırıb. Bundan qısa müddət sonra İran İsrailə qarşı zərbələri dayandırdığını bəyan edib. Bununla yanaşı, Tehran Livanda vəziyyətin gərginləşəcəyi təqdirdə yeni hücumlar həyata keçirə biləcəyi barədə xəbərdarlıq edib.