Ağdamda məktəbli qız qaçırılıb

Ağdamda məktəblinin qoşulub qaçması faktı qeydə alınıb.Bu barədə "Qafqazinfo” xəbər verir.

Daxili İşlər Nazirliyinin Mətbuat Xidmətinin Regional Qrupundan bildirilib ki, Ağdam sakini polisə müraciət edərək 15 yaşlı qızının itkin düşdüyünü bildirib.

Hadisə rayonun Əhmədağalı kəndində baş verib. Müşviq Hüseynov adına Əhmədağalı kənd tam orta məktəbinin 10-cu sinif şagirdinin Bərdə rayonunda yaşayan tanışı ilə birlikdə getdiyi bildirilir.

Polis əməkdaşları tərəfindən aparılan tədbirlər nəticəsində yeniyetmənin yeri Bərdə rayonunda müəyyən edilib.

Qız polis orqanına gətirilərək ailəsinə təhvil verilib.

Faktla bağlı araşdırma aparılır.