Tramp: İran və ABŞ arasında saziş iyunun 18-19-da imzalana bilər

ABŞ Prezidenti Donald Tramp İran və ABŞ arasında sazişin iyunun 18-19-da imzalana biləcəyini bildirib.

Fransa mediasının məlumatına görə, Tramp bu barədə Fransanın Evian şəhərində keçirilən G7 sammitinin yekunlarına dair çıxışı zamanı danışıb.

Tramp deyib ki, Yaxın Şərqdəki münaqişə ilə bağlı danışıqların növbəti mərhələsi nəticəsiz olarsa, Vaşinqton İrana qarşı hərbi əməliyyatları bərpa etməyə hazırdır.

“Əgər bu, 60 gün ərzində baş verməsə, biz yenidən bombalamağa qayıdacağıq. İranın nüvə silahı əldə etməsinə heç vaxt imkan verməyəcəyik”, - Tramp bildirib.

ABŞ prezidenti eyni zamanda qeyd edib ki, İranla hərbi qarşıdurmanın davam etməsi ciddi iqtisadi nəticələrə səbəb ola bilər.

“İqtisadi fəlakət görmək istəməzdim. Bu proses davam etsə, belə bir risk yarana bilər”, - o deyib.

Trampın sözlərinə görə, İranla bağlı hazırlanmış anlaşma memorandumunun mətni İsrail tərəfinə də təqdim olunub.