Böyük Britaniya Ukrayna üçün yeni hərbi yardım paketi elan edib

Böyük Britaniyanın müdafiə naziri Den Carvis Ukraynaya dronlar, hava hücumundan müdafiə raketləri və radar sistemlərini əhatə edən yeni hərbi yardım paketini elan edib.Bu barədə "İnterfaks-Ukrayna" məlumat yayıb.

Məlumata görə, bəyanat Ukraynanın müdafiəsi üzrə Təmas Qrupunun ("Ramştayn" formatı) 35-ci iclasında səsləndirilib.

Carvis bildirib ki, Ukraynanın müdafiə naziri Mixaylo Fyodorovla əldə olunmuş razılaşmaya əsasən, Böyük Britaniya Ukraynaya yerli istehsal olan 150 min dron, 350-dən çox hava hücumundan müdafiə raketi və radar sistemi təqdim edəcək.

Nazirin sözlərinə görə, ümumi dəyəri 752 milyon funt sterlinq olan paket müsadirə edilmiş Rusiya aktivlərindən əldə edilən vəsait hesabına maliyyələşdiriləcək və ilin sonunadək Ukraynaya çatdırılacaq.