İsrailin Qəzzaya zərbəsi zamanı "Al Jazeera"nın jurnalisti həlak olub

"Al Jazeera" telekanalının operatoru Əhməd Vişah İsrailin Qəzza zolağının mərkəzində yerləşən Əl-Bureyc qaçqın düşərgəsinə endirdiyi aviazərbə nəticəsində həlak olub.Bu barədə telekanal bəyanat yayıb.

"Al Jazeera" hücumu qətiyyətlə pisləyərək bunu beynəlxalq hüququn və normaların kobud şəkildə pozulması, jurnalistlərin hədəfə alınması və informasiya fəaliyyətinin məhdudlaşdırılmasına yönəlmiş sistemli siyasətin tərkib hissəsi adlandırıb.

Məlumata görə, İsrailin şənbə günü Qəzza zolağına endirdiyi zərbələr nəticəsində Əhməd Vişah da daxil olmaqla azı 10 nəfər həlak olub.