İki gündə 90 cinayətin üstü açılıb

İyunun 20-21-də Azərbaycanda qeydə alınan 79 cinayətin, eləcə də əvvəlki dövrlərdən bağlı qalan 11 cinayətin açılması polis əməkdaşları tərəfindən təmin edilib.

Daxili İşlər Nazirliyinin Mətbuat Xidmətindən verilən məlumata görə, iki gün ərzində ümumilikdə 90 cinayətin üstü açılıb.

Məlumatda bildirilir ki, axtarışda olan 71 nəfər saxlanılıb. Onlardan 51-i borclu şəxs qismində axtarışda olan şəxslərdir və aidiyyəti üzrə təhvil veriliblər.

Hesabat dövründə narkotiklərlə əlaqəli 34 fakt aşkarlanıb. Həmçinin qanunsuz saxlanılan silah-sursatın götürülməsi və aşkarlanması ilə bağlı 9 fakt müəyyən edilib.

DİN-in məlumatına əsasən, müxtəlif cinayət əməllərini törətməkdə şübhəli bilinən 83 nəfər polis tərəfindən saxlanılıb.

Gülnar Nazimqızı