Ramiz Mehdiyevin cinayət işi məhkəməyə göndərilib

Prezident Administrasiyasının sabiq rəhbəri Ramiz Mehdiyev və onun sabiq köməkçisi Eldar Əmirovun cinayət işi üzrə ibtidai istintaq başa çatıb.Bu barədə “Gununsesi.info” məlumat yayıb.

Cinayət işi baxılması üçün Bakı Ağır Cinayətlər Məhkəməsinə göndərilib.

İşə hakim Murad Aslanovun sədrliyi ilə baxılacaq. Məhkəmənin hazırlıq iclası sentyabrın 21-nə təyin edilib.

R.Mehdiyev Cinayət Məcəlləsinin 278.1-ci (dövlət hakimiyyətini ələ keçirməyə yönələn əməllər), 274-cü (dövlətə xəyanət) və 193-1.3.2-ci (cinayət yolu ilə əldə edilmiş əmlakın leqallaşdırılması) maddələri ilə ittiham olunur.

Cinayət işi üzrə ibtidai istintaq Dövlət Təhlükəsizliyi Xidmətinin İstintaq Baş İdarəsi tərəfindən aparılıb.

İş üzrə ittiham aktında E.Əmirov da təqsirləndirilən şəxs qismində yer alıb. Onun cinayət işinə də R.Mehdiyevin işi ilə birlikdə baxılacağı bildirilir.