Azərbaycanda məktəblərdə qızların sırğa taxması qadağan edilir? - AÇIQLAMA

Məktəblərdə qız şagirdlərin sırğa taxmasına qadağa qoyulması ilə bağlı məlumat yayılıb.

Məsələ ilə bağlı Bizim.Media-ya açıqlama verən Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov bildirib ki, hazırda bununla bağlı hər hansı təlimat və ya tapşırıq verilməyib.

Bağırov məsələnin araşdırılacağını və qadağa ilə bağlı iddiaların səbəblərinin aydınlaşdırılacağını qeyd edib.

Bəzi valideynlər isə Bakıdakı məktəblərdə direktorların qız şagirdlərə sırğa taxmağı qadağan etdiyini bildiriblər. Onların sözlərinə görə, bu məhdudiyyət müxtəlif yaş qruplarından olan qız şagirdlərə tətbiq edilir.