Prezident 500 min dollarlıq mükafatının Qarabağ Dirçəliş Fonduna köçürülməsi ilə bağlı qərar qəbul edib

Müsəlman Ağsaqqalları Şurasının baş katibi Məhəmməd Əbdülsalam sentyabrın 14-də Azərbaycan Prezidenti İlham Əliyevlə görüşü zamanı “Zayed İnsan Qardaşlığı Mükafatı”nın sertifikatını dövlət başçısına təqdim edib.Bu barədə Azərbaycan Prezidentinin Mətbuat Xidməti məlumat yayıb.

İlham Əliyev Azərbaycan ilə Ermənistan arasında sülhün əldə olunması istiqamətində göstərdiyi səylərə görə 2026-cı il üzrə “Zayed İnsan Qardaşlığı Mükafatı”na layiq görülüb.

Mükafat çərçivəsində 500 min ABŞ dolları məbləğində pul vəsaiti nəzərdə tutulur.

Prezident İlham Əliyev mükafatın pul hissəsinin tam olaraq Qarabağ Dirçəliş Fonduna köçürülməsi barədə qərar qəbul edib.