Qanunsuz mərc oyunları : Risklər, Qanun və Reallıq

Sosial şəbəkələrdə qanunsuz onlayn şans və mərc oyunları “asan qazanc”, “yüksək bonus” və “pulsuz balans” vədləri ilə insanları riskli fəaliyyətlərə cəlb edir. Bu cür platformalar istifadəçilərin pul və şəxsi məlumatlarının oğurlanması, hüquqi məsuliyyətlə üzləşməsi ilə nəticələnir.

Hüquqşünas Rəsul Cəfərov bildirir ki, ölkəmizdə rəsmi qeydiyyatdan keçməmiş onlayn şans və mərc oyunlarının təşkili qanunla qadağandır.

Daxili İşlər Nazirliyinin Kibercinayətkarlıqla Mübarizə Baş İdarəsinin apardığı əməliyyatlardan biri zamanı xaricdə yaradılan onlayn kazino platformalarının Azərbaycan seqmentini idarə edən 4 nəfər saxlanılıb, onların ünvanlarından çoxsaylı bank kartları və elektron sübutlar aşkarlanıb. Təqsirləndirilən şəxslər cinayət məsuliyyətinə cəlb olunub.

Rəsul Cəfərov deyir ki, həm təşkilatçılar, həm də oynayanlar məsuliiyyətə cəlb oluna bilər. Təşkilatçılar üçün ağır cəza nəzərdə tutulub.

Hüquq-mühafizə orqanları da vətəndaşları qanunsuz mərc və şans oyunlarından uzaq durmağı tövsiyyə edir.

Aytac Zeynalova

Gülnar Nazimqızı

İstiqamət : 6.3.19. uşaq və gənclərin fiziki və mənəvi inkişafı.

Qeyd- Yazı Medianın İnkişafı Agentliyinin maliyyə dəstəyi çərçivəsində hazırlanıb.