Ukraynanın MiQ-29 qırıcısı qəzaya uğrayıb

Ukrayna Hərbi Hava Qüvvələri (HHQ) iyunun 27-nə keçən gecə döyüş tapşırığı zamanı MiQ-29 qırıcı təyyarəsi ilə əlaqənin kəsildiyini və təyyarənin itirildiyini açıqlayıb.Bu barədə Ukrayna mətbuatı məlumat yayıb.

Bildirilib ki,təyyarə Poltava vilayəti səmasında döyüş tapşırığını yerinə yetirərkən radarlarla əlaqəni itirib,pilot uğurla katapult edib və axtarış-xilasetmə qrupu ilə əlaqə saxlaya bilib.

"Biz təyyarənin itirildiyini təsdiqləyirik. Pilot operativ şəkildə tibb müəssisəsinə çatdırılıb və ona zəruri tibbi yardım göstərilir", – məlumatda deyilir.