Şahbaz Şərif sabah Türkiyəyə səfər edəcək

Pakistanın Baş naziri Şahbaz Şərif iyulun 4-də Türkiyə Prezidenti Rəcəb Tayyib Ərdoğanın dəvəti ilə Türkiyəyə işgüzar səfər edəcək. Bu barədə Türkiyə Prezident Administrasiyasının Kommunikasiya İdarəsi məlumat yayıb.

Məlumata görə, tərəflər görüşlərdə Türkiyə-Pakistan münasibətlərini bütün istiqamətlər üzrə nəzərdən keçirəcək, əsas diqqət isə ticarət və investisiya sahələrində əməkdaşlığın genişləndirilməsinə yönələcək. Görüşlərdə regional və qlobal məsələlər ətrafında da fikir mübadiləsi aparılması planlaşdırılır.

Səfər proqramına Türkiyə-Pakistan Biznes Forumunun keçirilməsi də daxildir.

Şərifin regional tur çərçivəsində Türkiyədən sonra İrana da səfər etməsi gözlənilir.