Zelenski Mertslə "Patriot" raketlərinin tədarükünü və cəbhədəki vəziyyəti müzakirə edib

Ukrayna Prezidenti Volodimir Zelenski Almaniya Kansleri Fridrix Mertslə telefon danışığında cəbhədəki vəziyyəti və Ukraynanın hava hücumundan müdafiəsinin gücləndirilməsini müzakirə edib.

Zelenski bu barədə sosial şəbəkədə paylaşım edib.

Onun sözlərinə görə, tərəflər ilk növbədə Ukraynaya verilmiş "Patriot" hava hücumundan müdafiə sistemlərinin raketlərlə təminatı məsələsini müzakirə ediblər.

"İlk növbədə "Patriot" sistemlərimizi lazımi raketlərlə dəstəkləmək imkanını müzakirə etdik", – Zelenski bildirib. 

Zelenski telefon danışığı zamanı Rusiya qoşunlarının Donetsk vilayətinin Konstantinovka şəhərini nəzarətə götürməsi ilə bağlı məlumatları da təkzib edib.

Ukrayna Prezidenti bildirib ki, Rusiya Prezidenti Vladimir Putinlə məhz Konstantinovkada görüşməyə hazırdır.

"Əgər Konstantinovka həqiqətən Rusiyanın nəzarəti altındadırsa, o zaman, görünür, Putinin orada mənimlə görüşməsi və nəhayət, müharibənin başa çatması üçün diplomatik həll yollarını müzakirə etməsi qarşısında heç bir maneə yoxdur", – Zelenski əlavə edib.