Rusiyadan Ermənistana propan qazının Azərbaycan üzərindən tranzitinə başlanılır

Rusiyadan Ermənistana propan qazı daşıyan 30 dəmir yolu vaqonu bu gün Azərbaycan ərazisindən tranzitə göndərilir. Yük Biləcəri stansiyasından yola salınacaq. Bu barədə yerli media məlumat yayıb.

Propan qazı ilə yüklənmiş vaqonlar Rusiya-Ermənistan marşrutu üzrə Azərbaycan ərazisindən tranzit keçəcək.

Rəsmi məlumatlara əsasən, indiyədək Rusiyadan Ermənistana Azərbaycan üzərindən 34 min tondan çox taxıl, təxminən 8 min ton gübrə, 133 ton alüminium, 68 ton qarabaşaq yarması və 414 ton antrasit daşınıb.

Eyni zamanda, Azərbaycandan Ermənistana bu günədək 14 min tondan çox dizel yanacağı, həmçinin 4 min tondan çox Aİ-92 və Aİ-95 markalı benzin ixrac edilib.

Azərbaycan 2024-cü ildən etibarən Rusiya ilə Ermənistan arasında bir sıra yüklərin dəmir yolu ilə tranzit daşınmasına icazə verir. Bu marşrutla indiyədək taxıl, gübrə, sənaye məhsulları və enerji daşıyıcıları, həmçinin Azərbaycandan Ermənistana neft məhsulları daşınıb.

Gülnar