Azərbaycan Prezidenti Qətər Əmirinə başsağlığı verib

Azərbaycan Prezidenti İlham Əliyev Qətər Əmiri Şeyx Təmim bin Həməd Al Taniyə atası, Qətərin keçmiş əmiri Şeyx Həməd bin Xəlifə Al Taninin vəfatı ilə əlaqədar başsağlığı məktubu ünvanlayıb. 

Məktubda Prezident İlham Əliyev Şeyx Həməd bin Xəlifə Al Tanini Qətərin tarixində silinməz iz qoymuş dövlət xadimi və ölkəsinin inkişafı naminə fədakarlıqla çalışmış lider olduğunu qeyd edib.

Dövlət başçısı bildirib ki, mərhumun Azərbaycan ilə Qətər arasında dostluq və əməkdaşlıq münasibətlərinin formalaşması və inkişafında müstəsna xidmətləri olub. Əliyev onun Azərbaycana səfərlərini və keçirdikləri görüşləri ən xoş təəssüratlarla xatırladığını qeyd edib.

Prezident İlham Əliyev məktubun sonunda Şeyx Təmim bin Həməd Al Taniyə, onun ailəsinə və Qətər xalqına öz adından və Azərbaycan xalqı adından dərin hüznlə başsağlığı verib.