Seutada təhlükəsizlik gücləndirilib, şəhərə 3 min polis yerləşdirilib

İspaniyanın Seuta muxtar şəhərində miqrasiya böhranı fonunda təhlükəsizlik tədbirləri gücləndirilib və şəhərə 3 min polis əməkdaşı yerləşdirilib.

Şəhər hökumətinin sözçüsü Migel Anxel Peres bildirib ki, hüquq-mühafizə qüvvələri zərurət olduğu müddətdə bölgədə qalacaqlar.

İspaniya hakimiyyəti iyulun sonlarında Mərakeşlə sərhədi keçərək Seutaya daxil olan on minlərlə qanunsuz miqrantdan sonra təhlükəsizliyin təmin olunmasına hərbi qüvvələri də cəlb edib.

Məlumata görə, Seutaya çatmağa cəhd edərkən azı 72 nəfər həlak olub. Rəsmilər miqrantların böyük əksəriyyətinin artıq Mərakeşə geri qayıtdığını hesab edirlər.