Aİ-dən sensasion miqrant iddiasına İrəvandan cavab

Ermənistanda Avropa İttifaqına üzv ölkələrdən olan qeyri-qanuni miqrantların saxlanılması mərkəzinin yaradılması məsələsi İrəvanla müzakirə olunmayıb. Bu barədə Ermənistan Xarici İşlər Nazirliyinin mətbuat katibi Ani Badalyan bildirib.

"Bize belə bir təklif daxil olmayıb və bu məsələ bizimlə müzakirə edilməyib", — o vurğulayıb.

Xatırladaq ki, avqustun 3-də "Euronews" kanalı Aİ Şurasının avqustun 4-də keçiriləcək iclasında bir sıra ölkələrdə, o cümlədən Ermənistanda qeyri-qanuni miqrantların saxlanılması üçün mərkəzlərin yaradılması təklifinin müzakirəyə çıxarılacağı barədə məlumat yaymışdı.