Ötən gün 52 cinayətin üstü açılıb, axtarışda olan 128 nəfər saxlanılıb

Azərbaycan daxili işlər orqanları tərəfindən avqustun 18-də qeydə alınan 46, habelə əvvəlki dövrlərdən bağlı qalan 6 cinayətin üstü "isti izlər"lə açılıb. Bu barədə Daxili İşlər Nazirliyinin (DİN) Mətbuat Xidməti məlumat yayıb.

Məlumata görə, həyata keçirilən əməliyyat-axtarış tədbirləri nəticəsində axtarışda olan 128 nəfər (o cümlədən borclu şəxs qismində axtarılan 109 nəfər) saxlanılaraq aidiyyəti üzrə təhvil verilib.

Sutka ərzində narkotiklərlə əlaqəli 23, qanunsuz silah-sursatın aşkarlanması və götürülməsi üzrə 9 fakt müəyyən edilib, cinayət törətməkdə şübhəli bilinən 50 nəfər tutulub.

N.Təbrizli