Abşeronda qadın ərini öldürməkdə şübhəli bilinərək saxlanılıb

Abşeron rayonunun Masazır qəsəbəsində 48 yaşlı kişi kəsici-deşici alətlə öldürülüb. Onun həyat yoldaşı qətldə şübhəli bilinərək saxlanılıb.

“Report”un məlumatına görə, avqustun 19-da saat 12 radələrində polisə Masazır qəsəbəsində 1978-ci il təvəllüdlü Əlsəfa Rəhimovun kəsici-deşici alətlə öldürülməsi barədə məlumat daxil olub.

Polisin keçirdiyi əməliyyat-axtarış tədbirləri nəticəsində cinayəti törətməkdə şübhəli bilinən Rəhimovun həyat yoldaşı, 1983-cü il təvəllüdlü A. Əliyeva saxlanılaraq istintaqa təhvil verilib.

Faktla bağlı araşdırma aparılır.