Fransada sağalmaz xəstəliyə düçar olanlar könüllü ölə biləcəklər

Fransa Prezidenti Emmanuel Makron ölkədə evtanaziyanı (sağalmaz xəstənin ağır və dözülməz əzablarını dayandırmaq məqsədilə onun həyatına tibbi müdaxilə ilə son qoyulması) qanuniləşdirən qanunu imzalayıb. Bu barədə hökumətin rəsmi qəzeti “Journal Officiel” məlumat yayıb.

Qanuna əsasən, 18 yaşdan yuxarı Fransa vətəndaşları, həmçinin ölkədə qanuni əsaslarla daimi yaşayan şəxslər evtanaziyadan yararlana biləcəklər. Bunun üçün xəstəliyin son mərhələsində olması, müalicəsinin mümkün olmaması və ya müalicənin dayandırılması halında dözülməz əzabların yaranması kimi şərtlər nəzərdə tutulub.

Fransa bununla evtanaziyanı qanuniləşdirən Avropada altıncı ölkə olub. Eyni prosedura Niderland, Belçika, Lüksemburq, İspaniya və Portuqaliyada da icazə verilir.

Gülnar Nazimqızı