Bakıdakı idman liseyləri və Bülbül adına məktəbə qəbul üçün qeydiyyat başlayır

2026–2027-ci tədris ili üzrə Bakı Şəhəri üzrə Təhsil İdarəsinin tabeliyindəki idman liseyləri və Bülbül adına orta ixtisas musiqi məktəbinə qəbul üçün qeydiyyat 20 avqust saat 15:00-dan 24 avqust saat 18:00-dək aparılacaq.

Qeydiyyat sy.edu.az portalı üzərindən elektron qaydada həyata keçiriləcək.

Qəbul 1 nömrəli və “Vətən” idman liseylərinin V sinfinə, həmçinin VI–IX siniflər üzrə vakant şagird yerlərinə, eləcə də Bülbül adına orta ixtisas musiqi məktəbinin II–IX sinifləri üzrə vakant yerlərə şamil olunur.

Təhsil müəssisələrinə qəbul müəyyən edilmiş qaydalara uyğun olaraq müsabiqə əsasında keçiriləcək.