İsmayıllıda toyda kütləvi zəhərlənmə: 24 nəfər xəstəxanaya müraciət edib

İsmayıllı rayonunun Hacıhətəmli kəndində fərdi yaşayış evinin həyətində keçirilən toy mərasimindən sonra 24 nəfər zəhərlənmə əlamətləri ilə xəstəxanaya müraciət edib. Bu barədə Qida Təhlükəsizliyi Agentliyinin (AQTA) Mətbuat Xidməti məlumat yayıb.

Zərərçəkənlərə zəruri tibbi yardım göstərildikdən sonra onların hamısı evə buraxılıb. Vətəndaşların səhhəti qənaətbəxş qiymətləndirilir.

Hadisə ilə bağlı AQTA mütəxəssisləri aidiyyəti qurumlarla birgə araşdırmalara başlayıb, qida və su nümunələri götürülərək laborator müayinələrə göndərilib. Zəhərlənmənin dəqiq səbəbləri yoxlamaların yekununda müəyyən olunacaq.