“Qarabağ” növbəti transferlərini açıqlayıb

“Qarabağ” klubu iki yeni futbolçunun transferini rəsmiləşdirib.Bu barədə klubdan məlumat verilib.

Ağdam təmsilçisi nigeriyalı hücumçu Taofik İsmahil və almaniyalı vinger Reda Xadranı heyətinə qatıb.

İsmahil Polşanın “Qurnik” (Zabje) klubundan transfer olunub. 26 yaşlı hücumçu ilə 3 illik müqavilə imzalanıb. O, “Qarabağ”da 19 nömrəli formanı geyinəcək.

Karyerası ərzində Norveçin “Şeyd”, “Fredrikstad” və “Volorenqa”, Fransanın “Loryan”, Belçikanın “Beveren” və Polşanın “Lex” klublarında çıxış edən İsmahil 2024-cü ildən “Qurnik”in formasını geyinirdi.

Xadra isə Fransanın “Reyms” klubundan transfer olunub. 25 yaşlı hücumameylli yarımmüdafiəçi ilə 2+1 illik müqavilə imzalanıb. O, “Qarabağ”da 10 nömrəli forma ilə çıxış edəcək.

Dortmund “Borussiya”sının yetirməsi olan Xadra daha əvvəl İngiltərənin “Brayton”, “Birminhem”, “Şeffild Yunayted”, “Blekbern” və Fransanın “Havr” klublarında oynayıb. O, Almaniyanın U-18 və U-21 milli komandalarında da çıxış edib.

***

"Qarabağ" növbəti futbolçu transferini gerçəkləşdirib.Bu barədə klubdan məlumat verilib.

Ağdam təmsilçisi Polşanın “Qurnik” (Zabje) klubundan Taofik İsmahili heyətinə qatıb.

26 yaşlı nigeriyalı hücumçu ilə 3 illik müqavilə imzalanıb. İsmahil “Qarabağ”da 19 nömrəli formanı geyinəcək.

Karyerası ərzində Norveçin “Şeyd”, “Fredrikstad” və “Valerenqa”, Fransanın “Loryan”, Belçikanın “Beveren”, Polşanın “Lex” və “Qurnik” klublarında çıxış edən futbolçu 2024-cü ildən Polşa təmsilçisinin formasını geyinirdi.