Maliyyə Nazirliyi avqustda 146 milyon manatlıq xəzinə qalığını depozitlərə yerləşdirib

Dövlət büdcəsi vəsaitlərinin səmərəli idarə edilməsi və əlavə gəlir əldə olunması məqsədilə 2026-cı ilin avqust ayı ərzində Maliyyə Nazirliyi tərəfindən 6 depozit hərracı keçirilib. Nəticədə xəzinə hesabının ümumilikdə 146 milyon manat məbləğində sərbəst qalığı kommersiya banklarında müddətli depozitlərə yerləşdirilib.

Avqustun 6-da təşkil olunan hərraclarda 16 milyon manat 28 gün müddətinə (orta çəkili faiz 6,54%), 25 milyon manat isə 84 gün müddətinə (6,54%) yerləşdirilib. Avqustun 13-də 21 milyon manatlıq vəsait 28 günlüyə (6,54%), avqustun 20-də isə 35 milyon manatlıq vəsait 84 günlüyə (6,53%) banklara yönəldilib. Ayın son hərraclarında — avqustun 27-də isə müvafiq olaraq 19 milyon manat 28 gün müddətinə (6,52%) və 30 milyon manat 84 gün müddətinə (6,54%) depozitə qoyulub.

Nazirlikdən bildirilib ki, bu alətlər dövlət büdcəsinə əlavə qazanclar təmin etməklə yanaşı, yerli bank sektorunda likvidliyin dəstəklənməsinə də xidmət edir.

N.Təbrizli